ឯកឧត្តម ឃួង ស្រេង ដាក់ផែនការដ៏ម៉ឺងម៉ាត់ នៃការបង្ក្រាបល្បែងស៊ីសងគ្រប់ប្រភេទ នៅរាជ ធានីភ្នំ ពេញ
រាជធានីភ្នំពេញ៖ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានថ្លែងប្រាប់បណ្ដាញព័ត៌មានក្នុងស្រុកថា លោកបានដាក់ផែនការឲ្យស្នងការដ្ឋាននគរបាលរាជធានីភ្នំពេញ ធ្វើការស្រាវជ្រាវ ហើយឈានទៅដល់ការបង្ក្រាបល្បែងគ្រប់ប្រភេទដែលកំពុងលេងភ្នាល់គ្នាយ៉ាងគគិកគគ្រេងនៅរាជធានីភ្នំពេញ។
ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានបញ្ជាក់ទៀតថា៖ឯកឧត្តមនឹងបើកកិច្ចប្រជុំគណៈបញ្ជាការឯកភាពរបស់ខ្លួននៅពេលខាងមុខដ៏ខ្លីនេះ ដើម្បីចាត់វិធានការដ៏ម៉ឺងម៉ាត់នៃការបង្ក្រាបល្បែងស៊ីសងនៅរាជធានីភ្នំពេញ ដែលកំពុងកើតមានឡើង បន្ទាប់ពី។
ឯកឧត្តមបានបញ្ជាក់ទៀតថា«ខ្ញុំបានដាក់ផែនការនេះ ឲ្យស្នងការរាជធានីភ្នំពេញ ចុះធ្វើការស្រាវជ្រាវ ហើយឈានទៅដល់ការបង្ក្រាបតែម្ដង ពីព្រោះវាដូចជាគគិ្រកគគ្រេងពេក ហើយខ្ញុំនឹងបើកកិច្ចប្រជុំ គណៈបញ្ជាការឯកភាពលើរឿងនេះផងដែរ»។
ជាក់ស្ដែង កាលពី ១៧ ឧសភា ២០១៩ លោកអភិបាល បានបញ្ជាឲ្យអាជ្ញាធរខណ្ឌដូនពេញ ចុះបង្ក្រាបទីតាំងលួចបើកហ្គេម និងចាក់បាល់មួយកន្លែង គ្មានស្លាកយីហោ នៅសង្កាត់ផ្សារថ្មី១ ខណ្ឌដូនពេញ ដោយឃាត់ខ្លួនអ្នកប្រចាំការប្រុសស្រីចំនួន០២នាក់ ព្រមទាំងវត្ថុតាងមួយចំនួនទៀតផង៕