មន្រ្តីថ្នាក់ក្រោម មិនគោរពប្រសាសន៍ សម្តេចតេជោ ថែមទាំងបណ្តែតបណ្តោយ អោយជនឆ្លៀតឱកាស យកគ្រឿងចក្រ កាយចាក់ដីលុបបឹង របស់រដ្ឋ រួចលួចបោះបង្គោល យកធ្វើជាកម្មសិទ្ធិឯកជន ..!

ប្រសាសន៍ សម្តេចតេជោ ហ៊ុនសែន បានថ្លែងក្នុងកម្មវិធី ប្រកាសបើកយុទ្ធនាការចាក់វ៉ាក់សាំងប្រឆាំងកូវីដ១៩ ជូនក្មេងៗ និងយុវវ័យ នា ព្រឹកថ្ងៃទី០១ ខែសីហា ឆ្នាំ២០២១ កន្លងទៅនេះ ។
សម្តេច តេជោ ហ៊ុនសែន បានដាក់ចំៗ និងសង្កត់ធ្ងន់ៗថា ទៅលេីលោកស្រីជំទាវម្នាក់ ប្រេីអំណាចនិង តួនាទី នៅតែបន្ត សកម្មភាព យកគ្រឿងចក្រ កាយចាក់ដីលុបបឹង និងថែមទាំងនាំគ្នានិងបក្យពួក លួចបោះបង្គោល ក្នុងបឹងរបស់រដ្ឋ ក្រោយពីខ្លួន និងបក្សពួក បានយកគ្រឿងចក្រ មកឈូយឆាយ លេីផ្ទៃបឹងធំរបស់រដ្ឋ ។

ដីអាងបឹងធំ របស់រដ្ឋនិងបាត់បង់ នាពេលឆាប់ៗខាងមុខនេះហេីយ ដែលមានទីតាំងស្ថិតនៅ ភូមិឈើទាល2 ឃុំឈើទាល ស្រុកគៀនស្វាយ ខេត្តកណ្ដាល ដោយលោកស្រីជំទាវម្នាក់ រួមនិង បក្សពួកជាច្រើនទៀត នាំគ្នាសម្រុកយកគ្រឿងចក្រ បន្តឈូសឆាយ ជីកព្រុំបោះបង្គោល និងកាយដី លុបបឹង ធ្វើជាកម្មសិទ្ធិរបស់ខ្លួន ដោយមិនខ្លាចញញើត ពីសំណាញ់ផ្លូវច្បាប់ ទោសជា សម្តេចតេជោ ហ៊ុនសែន បានមានប្រសាសន៍ យ៉ាងណាក៏ដោយ ក៏ក្រុមជនឆ្លៀតឱកាស ទាំងនោះ ក៏នៅតែមិនព្រមបញ្ឃប់ សកម្មភាពរបស់ខ្លួននោះទ្បេីយ។

នៅក្នុងនោះដែរ កាលពីព្រឹកថ្ងៃសុក្រ ទី៣០ ខែកក្កដា ឆ្នាំ២០២១ កន្លងផុតទៅនេះ លោក សុខ សិទ្ធិ អភិបាលរងស្រុកកៀនស្វាយ លោក បានដឹកនាំមន្ត្រីក្រោមឱវាទ ក៏ដូចជាកម្លាំងសមត្ថកិច្ចចំរុះ យកអេស្កាវ៉ាទ័រ មកកាយអាចម៍ដី ដាក់មកលើផ្លូវ ដែលប្រជាពលរដ្ឋអះអាងថា ជាផ្លូវចាស់ មានតាំងពីបុរមបុរាណកាលសម្រាប់ធ្វើដំណើរ ទៅកន្លែងសក្ការៈបូជា នៅកណ្ដាលបឹង ឯនោះ តែការអនុវត្តនោះ វាផ្ទុយទៅវិញទេ ហាក់បីដូចជាការយកលេះ ធ្វេីផ្លូវតម្រង់ អោយក្រុមខិលខួច រួមនិង បក្សពួករបស់ខ្លួន ដែលបានលួចយកដីរដ្ឋ និង បានលួចបោះបង្គោល នៅទីនោះក៏រួចហេីយដែរ។

គួបញ្ជាក់បន្ថែមថា លោក សុខ សិទ្ធិ អភិបាលរងស្រុកកៀនស្វាយ លោក បានមានប្រសាសន៍ ជាមួយអ្នកសារព័ត៌មានថា បេីលោក ចុះសិក្សាមេីលទៅបេីមាន
ជនណា បានលួចបោះបង្គោល និង លួចដីបឹង លោកថា និង ចាត់វិធានការ ទៅលេីជនទាំងនោះតែម្តង តែអីទ្បូវនេះ បែជា ទីតាំងខាងលេី ហាក់បីដូចជាទីកន្លែងផ្សាត្រី ទិញលក់ ទៅហេីយ តេីអស់លោក កំពុងតែធ្វេីអ្វីអោយប្រាកដ។

ប្រជាពលរដ្ឋនៅតែមានការនឿយឆ្ងល់ថា តើលោកស្រីជំទាវម្នាក់នេះ រួម និងបក្សពួក តេីជានរណា អោយប្រាកដ ហានអំណាច និង តួនាទី ទឹកលុយ ឬមានខ្សែរអាងខ្នងខាងណា បានជាផ្គើន នឹងច្បាប់ហ៊ាន បន្តយកគ្រឿងចាក់ឈូសឆាយ រំលោភដីបឹង របស់រដ្ឋ មកធ្វើជាកម្មសិទ្ធិ ដដែលៗ របស់ខ្លួន ដែលបង្កឲ្យមានការស្ទះផ្លូវទឹក ជាហេតុនាំឲ្យគ្រោះមហន្តរាយទឹកជំនាន់ជាដើម។

ប្រជាពលរដ្ឋសង្ឃឹមយ៉ាងមុតមាំថា ឯកឧត្តម គង់ សោភ័ណ្ឌ អភិបាល នៃគណៈ អភិបាល ខេត្តកណ្ដាល លោក មេត្តា ដឹកនាំកម្លាំង ចម្រុះ ចុះស្រាវជ្រាវ ត្រួតពិនិត្យ ដោះស្រាយអោយដល់ ទីតាំង ជាក់ស្តែងផង ចំពោះបញ្ហានេះ គួតែបញ្ឈប់សកម្មភាព ការរំលោភដីបឹង ដែលជាសម្បត្តិ របស់រដ្ឋជាបន្ទាន់ផង៕