រាប់អានស្គាល់គ្នាសុំមកលេងឲ្យដេកផ្ឋះមួយយប់ លុះព្រឹកឡើងលួយចោរលួយម៉ូតូបាតស្រមោល

(ភ្នំពេញ)៖យោងតាមប្រភពម្ចាស់ម៉ូតូលោកស្រី ងិន វណ្ណ បានឲ្យដឹងថា,ម៉ូតូរបស់លោកស្រីមានស្នាកលេខ 1CE-6427 Honda Dream ពណ៌ខ្មៅ និងទូរសព្ទ័មួយគ្រឿង ត្រូវបានជនសង្ស័យ ឈ្មោះតូ សុភ័ណ្ឌ អះអាងថានៅរតន:គោរី ដែលជាអ្នកស្គាល់គ្នាស្និតស្នាលបានលួចយកទៅបាត់គ្មានដំណឹងកាលពីថ្ងៃទី៣០ ខែកក្កដា ឆ្នាំ២០២៣ ស្ថិតនៅខណ្ឌកំបូល ។

លោកស្រីបានបន្តទៀតថា, ជនសង្ស័យឈ្មោះ តូ សុភ័ណ្ឌ និងលោកស្រីជាអ្នកស្គាល់គ្នាហើយបានសុំមកលេងផ្ទះលោកស្រីនិងសុំសម្រាកនៅផ្ទះមួយយប់ដោយសារជនសង្ស័យមកពីរតន:គិរីឡើងមកធ្វើការនៅភ្នំពេញក៏បានយល់ព្រម ស្រាប់តែព្រឹកឡើងលោកស្រីចេញទៅធ្វើការ រហូតដល់ល្ងាចវិលមកវិញមិនឃើញជនសង្ស័យឡើងដោយបាត់ម៉ូតូ១គ្រឿង និងទូរសព្ទ័១គ្រឿងបាត់ស្រមោលឈឹងមកទល់ពេលនេះ។

ទោះបីយ៉ាងណាបើតាមប្រភពឯកសារដែលអង្គភាពយើងទទួលបានពីលោកស្រី ងិន វណ្ណ ផ្ទុយទៅវិញជនសង្ស័យមិនមែននៅរតន:គិរីឡើយ ទីតាំងពិតប្រាកដគឺស្ថិតនៅភូមិកោះអន្លង់ចិន ឃុំកោះអន្លង់ចិន ស្រុកស្អាង ខេត្តកណ្ដាល។

បច្ចុប្បន្នលោកស្រីបានដាក់ពាក្យបណ្ដឹងទៅកាន់សមត្ថកិច្ចក្នុងខណ្ឌកំបូលរួចហើយ តែមិនទាន់មានទទួលបានដំណឹងពីសមត្ថកិច្ចថាបាននឹងកំពុងស្រាវជ្រាវចាត់វិធានការអ្វីឡើយ និងស្នើសុំអាជ្ញាធរពាក់ព័ន្ធមេត្តជួយសហការស្រាវជ្រាវស្វែងរកជនសង្ស័យខាងលើនេះមកផ្ដន្ទាទោសតាមច្បាប់ ៕