បង្រ្កាបករណីហិង្សាដោយចេតនាមានស្ថានទម្ងន់​ទោស(កាប់នឹងកាំបិតប៉័ងតោ) នៅសង្កាត់៤ ក្រុងព្រះសីហនុ​

ស្រុកព្រៃនប់ ៖ នៅថ្ងៃទី ១៤ ខែវិច្ឆិកា ឆ្នាំ២០២៣ វេលាម៉ោង២៣និង ៤០នាទី នៅចំណុច ម្តុំតោពីរ ស្ថិតនៅភូមិ៤ សង្កាត់៤ ក្រុង​-ខេត្តព្រះសីហនុ មានករណីហិង្សាដោយចេតនា​មានស្ថានទម្ងន់ទោសបង្កដោយជនសង្ស័យមិនស្គាល់អត្តសញ្ញាណ០១​ក្រុម ជិះម៉ូតូ ២គ្រឿង បានធ្វើសកម្មភាពយកកាំបិតប៉័ងតោកាប់ទៅលើជនរងគ្រោះចំនួន០២នាក់ បណ្តា​លអោយជនរងគ្រោះ​០១​នាក់ របួសត្រង់ពោះ(ធ្លា​យពោះវៀន) និង០១នាក់ទៀ​តរបួសត្រង់ដើមទ្រូង រួចក្រុមជនសង្ស័យបានជិះម៉ូតូរត់​គេ​ចខ្លួនបាត់។
បន្ទាប់ពីទទួលបានព័ត៌មានភ្លាម កម្លាំង​នគរបាលស្រុកព្រៃនប់​ដឹកនាំដោយលោកវរសេនីយ៍​ឯក អ៊ួង វុទ្ធី អធិការ​នគរបាលស្រុកព្រៃនប់ បានសហការជាមួយកម្លាំងការិយា​ល័យនគរបាលព្រហ្មទណ្ឌកម្រិតស្រាល និងកំលាំងប៉ុស្តិ៍នគរបាលរដ្ឋបាលអូរឧកញ៉ា​ហេងបានធ្វើការ ចុះត្រួតពិ​និត្យឆែកឆេរម៉ូតូដែលមានទិសដៅពីខេត្តព្រះសីហនុឆ្ពោះទៅរាជធានីភ្នំពេញ នៅចំណុចជញ្ជីងថ្លឹងរថយន្តអូរចំណារ​លើដងផ្លូវជាតិលេខ៤ លុះវេលាម៉ោ​ង០១រំលងអាធ្រាតក៍ស្ទាក់ឃាត់ម៉ូតូចំនួន០១គ្រឿង មានគ្នា​០២នាក់ ដែល មានភិនភាគដូចការសង្ស័យ យកមកសាក​សួរបឋម ពួកគេក៏បានសារ​ភា​ព​ថាមានគ្នា០៤នាក់ ហើយពិតជាបានធ្វើសកម្ម​ភាព​កាប់ទៅលើជនរងគ្រោះពិតប្រាកដមែន មូលហេតុ​ជនរងគ្រោះបានយកដុំថ្មគប់ត្រូវពួកគេមុនទើបពួកគេខឹងយកកាំបិតកា​ប់ជនរងគ្រោះវិញតែម្តង។ ជនសង្ស័​យទាំង២នាក់មានឈ្មោះដូចខាងក្រោម៖
១-ឈ្មោះសាង សុខ ភេទ​ប្រុស អាយុ​១៨ឆ្នាំ មុខរបរ​មិនពិតប្រាដក ស្នាក់នៅ​ភូមិ​៣ សង្កាត់​២ ក្រុង-ខេត្តព្រះ​សីហ​នុ​។​
២-ឈ្មោះ ងិក សុនី ភេទប្រុស អាយុ​២២ឆ្នាំ មុខរបរមិនពិត​ប្រាកដ ស្នាក់នៅ​ភូមិ​៦ សង្កា​ត់​៤ ក្រុង-ខេត្តព្រះសីហនុ​។​

ក្រោយមកកម្លាំងជំនាញស្នងការដ្ឋាននគរបាលខេត្តព្រះសីហនុ បានសហការជាមួយកម្លាំងជំនាញស្នងការនគរបាលខេត្តសៀមរាប បានឃាត់ខ្លួនជនសង្ស័យបាន២នាក់បន្ថែមទៀត ដែលមានឈ្មោះ៖

១-ឈ្មោះ រ៉ា ចាន់សុផាន់ណារ៉េត ហៅ ញ៉ា ភេទប្រុស អាយុ ១៧ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិ៥ សង្កាត់លេខ៤ ក្រុង-ខេត្តព្រះសីហនុ ។(ជាជនដៃដល់)
២-ឈ្មោះ សាត រតនា ភេទប្រុស អាយុ ១៧ឆ្នាំ ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិ៣ សង្កាត់លេខ២ ក្រុង-ខេត្តព្រះសីហនុ ។(ជាជនដៃដល់)

បច្ចុប្បន្ន​ជនសង្ស័យ ត្រូវបានកម្លាំងជំនាញព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តព្រះសីហនុកំពុងបន្តនិតិវិធី។