សមត្ថកិច្ចស្រុកឯកភ្នំ ឃាត់ខ្លួនយុវជនប្រុសស្រី១៣នាក់ ពាក់ព័ន្ធករណីគ្រឿងញៀន

ខេត្តបាត់ដំបង ៖ សមត្ថកិច្ច ស្រុកឯកភ្នំ ខេត្តបាត់ដំបង បានឃាត់ខ្លួនមនុស្ស ប្រុសស្រីចំនួន ១៣នាក់ យកមកធ្វើការសាកសួរនៅការិយាល័យជំនាញព្រមទាំងដកហូតបាន៖ ថ្នំាញៀនប្រភេទកេតាមីន KETAMINE ចំនួន ០៥ថង់ ទម្ងន់ ៩,២០ក្រាម (ទាំងសំបកថង់) កាលពីរំលងអាធ្រាត្រឈានចូលថ្ងៃទី១៤ ខែមករា ឆ្នាំ២០២៣ នៅចំណុចភូមិព្រែកតាច្រែង ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ ពេលនេះសមត្ថកិច្ចនគរបាល កំពុងរៀបចំសំណុំរឿងបញ្ជូនទៅ សាលាដំបូងខេត្តបាត់ដំបង ដើម្បីអនុវត្តទោស ទៅតាមផ្លូវច្បាប់៕