សង្ស័យធ្លាយហ្គាស ឆេះរថយន្ត ឡិចស៊ីសមួយគ្រឿង លើស្ពានផ្សារដីហុយ ខ្ទេចទាំងស្រុង

ភ្នំពេញ ៖ រថយន្តឡិចស៊ីស មួយគ្រឿងខណៈកំពុងធ្វើដំណើរ ក៏មានផ្សែងហុយចេញពីបាតខាងក្រោម បង្កជាអគ្គិភ័យបណ្តាលអោយឆាបឆេះរថយន្ដ ខូចខាតទាំងស្រុង នៅលើស្ពានអាកាសផ្សារដីហុយ ផ្អើលប្រជាពលរដ្ឋ រាយការណ៍ប្រាប់សមត្ថកិច្ច ចេញរថយន្តពន្លត់អគ្គិភ័យមកជួយបាញ់ពន្លត់ភ្លាមៗផងដែរ។ ហេតុការណ៍នេះកើតឡើងនៅម៉ោងជិត១០ព្រឹកព្រឹកថ្ងៃទី៨ ខែមីនា ឆ្នាំ២០២៤ នៅលើស្ពានអាកាសផ្សារដីហុយ តាមបណ្តោយផ្លូវសហព័ន្ធរុស្សី សង្កាត់ទឹកថ្លា ខណ្ឌសែនសុខ៕