ក្មេងស្ទាវមួយក្រុមលើកគ្នា ទៅកាប់យុវជនម្នាក់ រងរបួសធ្ងន់ លទ្ធផលដែលទទួលបានមកវិញគឺ ខ្នោះ

ខេត្តបាត់ដំបង ៖ ស្នងការដ្ឋាននគរបាលខេត្តបាត់ដំបង បានឱ្យដឹងនៅយប់ថ្ងៃអាទិត្យទី០៧ ខែមេសា ឆ្នាំ២០២៤នេះថា ក្រុមយុវជនមួយក្រុមមានគ្នាចំនួន៦នាក់ត្រូវបានឃាត់ខ្លួនអនុវត្តតាមច្បាប់ក្នុងករណីហិង្សាបណ្តាលឱ្យរងរបួសដល់ជនរងគ្រោះ។ ករណីហិង្សាដោយចេតនាមានស្ថានទម្ងន់ទោសមួយកើតឡើងបង្កដោយជនសង័្សយមួយក្រុមបានធ្វើសកម្មភាព បង្ករបួសស្នាមទៅលើជនរងគ្រោះឈ្មោះកេន ផាត់ថៃ ភេទប្រុស អាយុ១៧ឆ្នាំ រស់នៅភូមិសាលាបាឡាត់ សង្កាត់អូរមាល់ក្រុងបាត់ដំបង បណ្តាលឱ្យរងរបួសនៅចំណុចក្រុមទី០១ ភូមិរំចេក៤ សង្កាត់រតនះ ក្រុងបាត់ដំបង ខេត្តបាត់ដំបង ទទួលរងរបួសក្បាលធ្ងន់ធ្ងរ។ នៅពេលសាកសួរពួកគេបានសារភាពថា ពួកពិតជាបានធ្វើសកម្មភាពជិះម៉ូតូដេញវាយក្រុមជនរងគ្រោះ បណ្ដាលឱ្យជនរងគ្រោះប្រាកដមែន៕