កម្លាំងការិយាល័យប្រឆាំងគ្រឿងញៀនខេត្តតាកែវ បង្ក្រាបករណីគ្រឿងញៀនឃាត់ ខ្លួនបានជនសង្ស័យចំនួន ៣នាក់

តាកែវ៖ នៅថ្ងៃអង្គារ៧រោច ខែចេត្រ ឆ្នាំរោង ឆស័ក ព.ស២៥៦៧ ត្រូវនឹងថ្ងៃទី៣០ ខែមេសា ឆ្នាំ២០២៤ វេលាម៉ោង១៦ និង២៥នាទី ដោយមានការចង្អុលបង្ហាញពី លោក ឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលពី ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ។

ទទួលបទបញ្ជាពីលោក វរសេនីយ៍ឯក ចុល ចេក ស្នងការរង ផែនការងារប្រឆាំងគ្រឿងញៀន កម្លាំងការិយាល័យប្រឆាំងគ្រឿងញៀន ដឹកនាំដោយលោក វរសេនីយ៍ទោ សុខ សង្ហានាយការិយាល័យប្រឆាំងគ្រឿងញៀន បានចុះបង្ក្រាបចំនួន០១ករណ៏០១ទីតាំងនៅចំណុចក្នុងភូមិស្វាយ ឃុំសំរោង ស្រុកសំរោង ខេត្តតាកែវ បានធ្វើការឃាត់ខ្លួនជនសង្ស័យចំនួន០៣នាក់៖

១- ឈ្មោះ ទិត្យ រិទ្ធី ភេទ ប្រុស អាយុ២០ឆ្នាំ មុខរបរ កម្មកររោងចក្រ មានទីលំនៅភូមិកាយបាំង ឃុំសឹង្ហ ស្រុកសំរោង ខេត្តតាកែវ(ប្រើប្រាស់)

២- ឈ្មោះ បេត សុផល ភេទប្រុស អាយុ១៨ឆ្នាំ មុខរបរ កម្មករសំណង់ មានទីលំនៅភូមិស្វាយ ឃុំសំរោង ស្រុកសំរោង ខេត្តតាកែវ (ជួញ ដូរ-ប្រើប្រាស់)

៣- ឈ្មោះ លត សារ៉ាក់ ភេទប្រុស អាយុ២១ឆ្នាំ មុខរបរ សិស្ស មានទីលំនៅភូមិស្វាយ ឃុំសំរោង ស្រុកសំរោង ខេត្តតាកែវ (ប្រើប្រាស់) និងដកហូតវត្ថុតាងនៅនឹងខ្លួនជនសង្ស័យបានរួមមាន៖ ម្សៅ ក្រាមពណ៌សថ្លាចំនួន១០កញ្ចប់-ទូរស័ព្ទចំនួន០១គ្រឿងម៉ាកOPPO រួចបញ្ចូនមកកាន់ស្នងការដ្ឋាននគរបាល ខេត្តតាកែវ ដើម្បីកសាងសំណុំរឿងតាមនីតិវិធីច្បាប់។

===================

ដោយ: សេង ណាណូ