កម្លាំងសមត្ថកិច្ចស្រុកទ្រាំងង បង្ក្រាបករណីគ្រឿងញៀន ឃាត់ខ្លួនជនសង្ស័យបានចំនួន ១នាក់…

ស្រុកទ្រាំង : ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្ដមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ និងមានការសម្របសម្រួលនីតិវិធីពីឯកឧត្ដម ឯក ឆេងហ៊ួត ព្រះរាជអាជ្ញាអមសាលាដំបូង ខេត្តតាកែវ ។

នៅថ្ងៃពុធ ៥រោច ខែជេស្ឋ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៦ ខែមិថុនា ឆ្នាំ២០២៤ វេលាម៉ោង១៥:១០នាទី លោកវរសេនីយ៍ទោ កប សេម អធិការ នៃអធិការដ្ឋាននគរបាលស្រុកទ្រាំង ដឹកនាំកម្លាំងជំនាញនិងអន្តរាគមន៍ ចុះបង្រ្កាបករណីជួញដូរ និងប្រើប្រាស់នូវសារធាតុញៀនខុសច្បាប់ ប្រព្រឹត្តនៅចំណុចក្នុងព្រៃលើ ភូមិត្រពាំងជ្រៃ ឃុំរនាម ស្រុកទ្រាំង ខេត្តតាកែវ (០១ករណី ០១ទីតាំង)ឃាត់ខ្លួនជនសង្ស័យបានចំនួន០១នាក់៖

១-ឈ្មោះនួន ផល្លា ភេទប្រុស អាយុ៤២ឆ្នាំ មុខរបរមិនពិតប្រាកដ មានស្រុកកំណើតភូមិត្រពាំងសាលា សង្កាត់រកាក្រៅ ក្រុងដូនកែវ ខេត្តតាកែវ មានទីលំនៅបច្ចុប្បន្នភូមិសូភី ឃុំរនាម ស្រុកទ្រាំង ខេត្តតាកែវ។

ដកហូតវត្ថុតាង ម្សៅក្រាមពណ៍សថ្លា សង្ស័យជាសារធាតុញៀនចំនួន០៣កញ្ចប់ ម៉ូតូ០១គ្រឿង ម៉ាកសូនិច ពណ៍ក្រហម គ្មានស្លាកលេខ ជញ្ជីង០១គ្រឿង ចិញ្ជៀនលោហ:ធាតុ ០១វង់ សម្ភារ:វ៉ិចខ្ចប់និងប្រើប្រាស់សារធាតុញៀនមួយចំនួន (ជួញដូរប្រើប្រាស់ ) ។

( ប្រើគ្រឿងញៀន គឺបំផ្លាញខ្លួនឯង ក្រុមគ្រួសារ និងសង្គមជាតិ)

=========

ដោយ: សេង ណាណូ