ស្រុកបាទី៖ ឃាត់ខ្លួនជនសង្ស័យ ០៨នាក់ ករណីហឹង្សាដោយចេតនា និងធ្វើឲ្យខូចខាតដោយចេតនា (ក្មេងទំនើង) កើតឡើងនៅភូមិស្មៅខ្ញី ឃុំត្រពាំងសាប ស្រុកបាទី ខេត្តតាកែវ ។

ថ្ងៃទី៣១ ខែសីហា ឆ្នាំ ២០២៤ វេលាម៉ោង ២២ និង ៣០ នាទី លោកវរសេនីយ៍ឯក ឆាយ កែវមុន្នី អធិការនគរបាលស្រុកបាទី បានបញ្ជាកម្លាំងជំនាញព្រហ្មទណ្ឌ នៃអធិការដ្ឋាននគរបាលស្រុកបាទី ឃាត់ខ្លួនជនសង្ស័យ ០៨នាក់ ករណីហឹង្សាដោយចេតនា និងធ្វើឲ្យខូចខាតដោយចេតនា (ក្មេងទំនើង) កើតឡើងនៅភូមិស្មៅខ្ញី ឃុំត្រពាំងសាប ស្រុកបាទី ខេត្តតាកែវ ដែលបង្កឡើងដោយបក្ខពួកក្រុមជនសង្ស័យចំនួន ០២ក្រុម មានគ្នាប្រហែលចំនួន ០៨នាក់៖

១/.ឈ្មោះ ផាន់ ពៅ ភេទប្រុស អាយុ ១៨ឆ្នាំ

២/.ឈ្មោះ កុយ ចំណាន ហៅពៅ ភេទប្រុស អាយុ ២២ឆ្នាំ

៣/.ឈ្មោះ សឿង សន ភេទប្រុស អាយុ ១៨ឆ្នាំ

៤/.ឈ្មោះ ពេជ្រ ដារ៉ា ហៅស្វិត ភេទប្រុស អាយុ ៣២ឆ្នាំ

៥/.ឈ្មោះ ប៉ន ប៉ាន់ ហៅប៉ាន់ ភេទប្រុស អាយុ ២៥ឆ្នាំ

៦/.ឈ្មោះ ស៊ី ដ៉ារា ភេទប្រុស អាយុ ៣៣ឆ្នាំ

៧/.ឈ្មោះ យុង ណូ ភេទប្រុស អាយុ ៣៧ឆ្នាំ

៨/.ឈ្មោះ គឹម សុវណ្ណរាជ ភេទប្រុស អាយុ ១៧ឆ្នាំ

ជនសង្ស័យទាំង ០២ក្រុមបានធ្វើសកម្មភាពយកអាវុធដូចជា កំបិតផ្គាក់ ដំបងឈើ ដំបងដែក និងដុំថ្មជាច្រីន បើកឆាកប្រយុទ្ធគ្នាដេញកាប់ វាយ គប់គ្នាទៅវិញទៅមក និងដុតកម្ទេចម៉ូតូ បណ្តាលឪ្យក្រុមទី១ ខូចខាតម៉ូតូចំនួន ០១គ្រឿងធុនហុងដាឌ្រីមស្សង់C១២៥ សេរី២០២៣ ពណ៌ខ្មៅ ពាក់ផ្លាកលខភ្នំពេញ១KB-៤២៩៤ (ខូចខាតយ៉ាងដំណំ) របស់ឈ្មោះ ផាន់ ពៅ ភេទប្រុស អាយុ ១៨ឆ្នាំ និងរងរបួសបែកមេជើងចំហៀងខាងឆ្វេងចំនួន ០១កន្លែង ចំណែកឯក្រុមទី២ ខូចខាតម៉ូតូចំនួន ០២គ្រឿង

ដោយមានការចង្អុលបង្ហាញ ពីលោកឧត្តមសេនីយ៍ទោ ម៉ែន លី ស្នងការ នៃស្នងការដ្ឋាននគរបាលខេត្តតាកែវ និងសម្របសម្រួលនីតិវិធី ពីឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ ។ បច្ចុប្បន្នជនសង្ស័យខាងលើ កម្លាំងជំនាញបានកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់ ៕