ស្រុកព្រៃកប្បាស៖ នៅថៃ្ងទី០៣ ខែតុលា ឆ្នាំ២០២៤ វេលាម៉ោង១២.៣០ នាទី កម្លាំងអធិការដ្ឋាននគរបាលស្រុកព្រៃកប្បាស សហការជាមួយកម្លាំងប៉ុស្តិ៍នគរបាលរដ្ឋបាលព្រៃផ្ដៅ បានចុះបង្រ្កាបទីតាំងល្បែងស៊ីសងខុសច្បាប់មាន់ជល់តាមអនឡាញ នៅផ្ទះរបស់ឈ្មោះ ជា ប៉ុយ ភេទប្រុស អាយុ៥២ឆ្នាំស្ថិតនៅភូមិព្រៃឈើទាល ឃុំព្រៃផ្តៅ ស្រុកព្រៃកប្បាស ឃាត់ខ្លួនបានមនុស្សចំនួន២នាក់៖ ១.ឈ្មោះ ជា ប៉ុយ ភេទប្រុស អាយុ៥២ឆ្នាំ ជាម្ចាស់ផ្ទះ ២.ឈ្មោះ ឆេង ណារី ភេទស្រី អាយុ២៥ឆ្នាំ រស់នៅភូមិស្រែពោធិ ឃុំចារ ស្រុកព្រៃកប្បាស ជាអ្នកកាន់ម៉ាស៊ីនកុំព្យូទ័រ វត្ថុតាងចាប់បានរួមមាន៖ កុំព្យូទ័រ០១គ្រឿង ដុំសាកកំព្យូទ័រ០១ Keyboar០១ Mouse០១ ។